كرامتي وأنا ....
مرحبا....
أنا بنت عمري 25 سنة أمي وأبي مطلقين من وقت ما كان عمري 5 سنين ...
عايشة بيبت جدي ....والله العيشة من دون أب صعبة ...وجود الاب غير ....
وقت دخلت ع الجامعة صرت رافق شباب ....حسيت أنو لازم يكون بحياتي شب يحس في ونكون أنا وياه أصدقاء ....بس هالشغلة ما ظبطت معي ما كنت لاقي شب يفهم علي ويفهم شو بدي ...بدي حب ...بدي حنان ...بدي اهتمام ...بدي شب يهتم في ويريحني ....والله العظيم أنو برفقتي للشباب ما كنت مرتاحة بس من الملل والفراغ احكي معون ....انا كنت طبق شباب وبادر بهالشي كرمال اتسلى ....لدرجة ما كان عندي مشكلة احكي انا ورفيقي بالسكس ....المهم عم اعمل آكشن مع الشب يلي قاعدة معو ....وعم خليه يتعلق في ....السكس مع الشباب كان مجرد حكي مو اكتر ....ما حدا أخد مني شي الحمد لله ....بدي اتجوز أنا بس لهلأ ما اجى نصيبي شو اعمل ...أنا بأمس الحاجة لوجود شريك بحياتي ....بس دائما بقول الله كريم وما رح ينساني لأني طالبة السترة والراحة ....الشي يلي مضايقني أنو كرامتي انمست بحكي مع الشباب لأنو أنا يلي اركض وراهون ....كتير تعبانة انا من الشي يلي عملتو بس شي صار وصار ....بدي رد كرامتي وهيبتي بس ما بعرف كيف ....عن جد مو حلو بحقي ضل علقانة فيون بس والله من الفراغ العاطفي ....أنا غلطت بعرف بس شو ساوي ....ماني قادرة اعمل شي ....بعرف إني تساهلت بموضوع شرفي وكرامتي بس والله غصب عني ....أنا بنت شريفة ونضيفة والله العظيم ونيتي طيبة ....ولأنو نيتي طيبة هيك صار معي ....
أنا بنت شخصيتي قوية وواثقة من حالي وعندي خبرة بها لدنية لأنو الي تجارب كتير فيها وانا كمان واعية ....بس غلطت وكلنا منغلط ما حدا معصوم من الغلط .....
وبحب الفوت نظركون لشغلة أنو أنا كنت عاني من اضطراب اكتئابي وواضطراب وسواسي قهري وعانيت كتير منون ودقت الأمرين ....وكل تصرفاتي كرمال انسى وجعي وألمي ....وضيع وقتي حتى ما أشعر بالوجع ....
حكيتلكون قصتي وبتمنى اسمع منكون آراء مفيدة الي .....
وشكرا